Have any questions?
+44 1234 567 890
Unsere Käller
Au für dii Alass e super Sach
S'Huus an dr Kornhuusgass 2, wo mir im 1. UG unsere Cliquekäller hänn, isch total umbaut worde. Au unseri Rüümlichkeite strahle immene neue Glanz, kumm doch emol kho luege.
Mir würde uns freue, wenn dir unsere Cliquekäller gfallt und är für Aläss gmietet wird. Miete könne ihn alli, egal ob Mitglied oder nit, für Apéros, Familiefeschter, Versammlige, Firmealäss oder Sitzige. Es hett Sitzplätz für cirka 50 - 60 Persone. Dr Käller isch gmietlig igrichtet mit Dääfer an dr Decki und de Wänd. Alti Fasnachtsladäärne diene als Liechtquelle.
Gschirr, Bschteck und Gläser hetts gnueg (Gschirrwäschmaschine isch vorhande) und au e Kochnische (inkl. Pfanne) mit Backofe hetts. Me kha also sälber koche oder e Catering kho loh. Sälbverständlig dörf au e Kaffimaschine (Nespresso) nit fähle. D'Getränk muess me bi uns bezieh, mir hänn fehri Bryyse.
Dr Cliquekäller, zmitts im Härze vo Basel, isch mitem Drämmli Nr. 3 und em Bus Nr. 30 / 34 (Haltstell „Universität“) guet erreichbar.
Für Reservatione oder meh Informazione lütsch am beschte unserem Källerchef em Rino ah oder schribsch ihm e Mail.
(Rino Cocco / Tel. 061 713 23 52 / kaellerbeiz@schnurepfluderi.ch)