Liebi Schnurepfluderi, liebi Bsuecher von unserer Syyte

D Fasnacht 2024 isch leider scho wieder verbi, aber wies so schön heisst «noch dr Fasnacht isch vor dr Fasnacht». Somit freue mir uns uff dr 10. Merze 2025, wenns am 4i am Morge heisst «Morgestraich, vorwärts marsch ……..»

Bis es wieder sowyt isch, könne sich d Fasnachtsfründe jewyls am 2. Frytig im Monet bi uns im Cliquekäller träffe und in Erinnerige schwelge.

Zem aggtiv Fasnacht mache, sinn bi uns alli, egal ob Vortrab, Pfyffer oder Dambuur rächt härzligg willkomme. Mir freue uns über ainzelni oder au Grübbli vo Fasnachtsbegaischterte. Unseri Iebigsstunde sinn jewyls am Zyschdig. Kum doch eifach amene Frytig, wenn mir offe hänn verbi oder mäld di bi unserer Obfrau, dr Sibylle (079 737 93 89).

Unsere Cliquekäller ka me au für e Fescht, e Versammlig oder e Sitzig miete. Bisch interessiert, so mäld di doch bim Rino, är wird sich freue. Dr Kontakt findsch unter "Clique" - "Vorstand".

Stand: 05.03.2024 / BC