Have any questions?
+44 1234 567 890
Fasnacht 2017: S Land duet mit sich ringe,denn göhn mir halt in d' Stadt go schwinge
Latärneypfiffe
Jetzt stand ich halt scho wieder do
Sott gscheiti Setzli uselo
Due mit Wort und Reim so ringe, wie eifach wärs i könnt go schwinge
He naj, das wär jo au nit guet, zum schwinge fählt mir glaub dr Muet
Bi muetig gnueg gsi, wo d Schnydere sait
Ich ka nit schnyde es duet mir leid
Ich ha kai Zyt, ka für euch nüt mache
Do isch’s mir vergange, mi muetigs Lache
Denn bini halt ins Sägmähl gschtiege
Bi nit uff dr fuule Hut bliebe liege
Ha im Mami gruefe und gsait du muessch ko
Suscht schtöhn mir ohni Goschtüm do
So hanni halt dä blöd Job gfasst
Und hoff dass es jetzt allne passt
So schnyde isch schwer, doch gits jo no mehr
Wo vor dr Fasnacht Arbet git
E Zuggerschlägge isch das nit
Wenn mir sie nit hätte unseri guete Lyt
Denn wär die Fasnacht luter nüt
Drum wie all Joor möchti Merci sage
Allne wo schaffe und Verantwortig trage
E Danggschön vo Härze, mir alli sinn froh
Will ohni Trudi und Edi würd halt nit viel go
Apropo go, s wird langsam Zyt
Dr Morgeschtraich isch nümmi wyt
E schöni Fasnacht wünsch ich alle
Wenn au e paar Tröpfli vom Himmel falle
Das kunnt scho guet, ich blib derbi
Der Petrus isch no immer e Bebbi gsi
So, dr Latärnevärs als letschte Aggt
Jetzt het mi s Fasnachtsfieber paggt
Jetzt möchte ich s nur no luschtig ha
Kai Amt und kai Verantwortig ha
Mit euch allne zämme durch d Gasse gässle
Alles anderi ringsum vergässe
Christian rief Ystoh, kumm mir göhn
So, Fasnacht mache, isch doch schön
Copyright 2024 and made by Supsign AG